کولمبو : پاکستان کے سابق فاسٹ باؤلر عاقب جاوید کو سری لنکا کی کرکٹ ٹیم کا باؤلنگ کوچ مقرر کردیا گیا ہے۔
سری لنکن کرکٹ کے مطابق عاقب جاوید کی خدمات حاصل کی گئی ہیں اور انہیں ٹی ٹوئنٹی ورلڈ کپ کے لیے باؤلنگ کوچ مقرر کیا گیا ہے۔
عاقب جاوید فوری طور پر سری لنکن کرکٹ ٹیم کو جوائن کریں گے اور وہ ٹی ٹوئنٹی ورلڈ کپ میں سری لنکن ٹیم کے ساتھ ہوں گے۔ عاقب جاوید ابتدائی طور پر فاسٹ باؤلنگ کے کیمپ کو کنڈکٹ کریں گے۔
