کوئٹہ (ڈیلی پاکستان آن لائن) بلوچستان کے شہر خضدار اور گردونواح میں زلزلے کے جھٹکے محسوس کئے گئے جس سے شہری دہشت میں مبتلا ہو گئے۔
نجی ٹی وی دنیا نیوز کےمطابق زلزلے کی شدت 4.2 ریکارڈ کی گئی، زلزلہ پیما مرکز کے مطابق زلزلے کی گہرائی 43 کلو میٹر ریکارڈ کی گئی جبکہ اس کا مرکز خضدار سے 72 کلو میٹر شمال مشرق میں واقع تھا۔
واضح رہے کہ گذشتہ شب بھی بلوچستان کے مختلف علاقوں میں زلزلہ آیا تھا جن میں کوئٹہ کے علاوہ نوشکی، چاغی، چمن، قلعہ عبداللہ، پشین، مستونگ، دالبندین سمیت علاقے شامل تھے۔
