پرتھ : پاکستان کرکٹ ٹیم کے ڈائریکٹر محمد حفیظ نے کہا ہے کہ سرفراز احمد بطور کیپر اور بلے باز ہماری توقعات پر پورا نہیں اترے لیکن اس کا مطلب یہ نہیں ہے کہ ان میں صلاحیت نہیں ہے۔ محمد رضوان اچھا کھیل سکتے ہیں، فیصلہ سڈنی میں کنڈیشنز اور پچ دیکھ کریں گے۔
پرتھ ٹیسٹ میں آسٹریلیا کے ہاتھوں بدترین شکست کے بعد میڈیا سے گفتگو میں محمد حفیظ نے کہا کہ سرفراز نے پاکستان کے لیے کافی پرفارمنس دی ہیں۔ پاکستان میں نیوزی لینڈ کیخلاف سیریز میں انہوں نے شاندار کارکردگی کا مظاہرہ کیا۔ ہاں، 5-6 ماہ گزر چکے ہیں لیکن آپ حالیہ سیریز کے اپنے بہترین پرفارمر کو ہی اگلی سیریز کیلئے پہلی ترجیح دیتے ہیں۔
انہوں نے کہا کہ بدقسمتی سے یہ میچ سرفراز کے لیے ہماری توقعات کے مطابق اچھا نہیں رہا۔ تاہم، ہم ایک میچ کے بعد بالکل مختلف سوچنا شروع نہیں کر سکتے۔ سرفراز نیا نہیں ہے وہ اس سے پہلے آسٹریلیا، جنوبی افریقہ اور انگلینڈ کا دورہ کر چکے ہیں۔ وہ ان حالات میں نیا نہیں ہے کہ ہم کہہ سکتے ہیں کہ وہ ایڈجسٹ کرنے کے لئے جدوجہد کریں گے۔
انہوں نے کہا کہ ہاں، اس نے بلے باز اور کیپر کے طور پر توقعات کے مطابق کارکردگی کا مظاہرہ نہیں کیا۔ لیکن اس کا مطلب یہ نہیں ہے کہ ہمیں کسی کی مہارت پر شک کرنا شروع کر دینا چاہیے اور یہ کہنا چاہیے کہ وہ صرف مخصوص حالات میں کھیل سکتا ہے۔ محمد رضوان اچھا کھیل سکتے ہیں، فیصلہ سڈنی میں کنڈیشنز اور پچ دیکھ کریں گے۔
