وزارت نجکاری کا کہنا ہے کہ قومی ایئرلائن (پی آئی اے) کی تنظیم نو میں 2 اہم سنگ میل حاصل کرلیے گئے۔
اعلامیہ وزارت نجکاری کے مطابق پی آئی اے کے حصص یافتگان اور قرض دہندگان نے سیکیورٹیز اینڈ ایکسچینج کمیشن آف پاکستان (ایس ای سی پی) میں دائر اسکیم کی منظوری دی۔
اعلامیہ کے مطابق نجکاری عمل کے ایک حصے کے طور پر وفاقی کابینہ نے پی آئی اے کی تقسیم اور تنظیم نو کی منظوری دی تھی۔
28 مارچ 2024 کو ایس ای سی پی میں ایک اسکیم آف ارینجمنٹ دائر کی گئی، اس اسکیم کا پی آئی اے کے حصص یافتگان اور قرض دہندگان سے منظور شدہ ہونا ضروری تھا۔
