ماسکو(مانیٹرنگ ڈیسک) سامنے والی جیب میں رکھے موبائل فون نے روسی فوجی کو موت کے منہ میں جانے سے بچا لیا۔
ڈیلی سٹار کے مطابق اس فوجی کے پاس شیاﺅمی ایم آئی 11لائٹ سمارٹ فون تھا جو اس نے شرٹ کی سامنے والی جیب میں رکھا ہوا تھا۔ اسے سنائپر نے گولی سے نشانہ بنایا جو اس کے سینے پر سمارٹ فون کے اوپر آ کر لگی۔
گولی لگنے سے موبائل فون ٹکڑے ٹکڑے ہو گیا تاہم معجزانہ طور پر فوجی محفوظ رہا اور اسے خراش تک نہ آئی۔فوجی نے بتایا ہے کہ اسے گولی لگنے کا احساس اس وقت ہوا جب وہ اس کے سینے سے آ کر ٹکرائی۔میرا فون گولی لگنے سے مکمل ٹوٹ گیا اور گولی موبائل فون کے پچھلے حصے میں جا کر رک گئی۔
واضح رہے کہ اس روسی فوجی کے ساتھ یہ واقعہ یوکرین جنگ کے دوران ایک مشن میں پیش آیا۔
