موبائل فون جسے آپ ہروقت اپنی جیب میں رکھتے ہیں اور جب دل چاہے استعمال کرنے لگتے ہیں، کیا آپ جانتے ہیں کہ یہ اسمارٹ فون آپ کی جان بھی لے سکتا ہے؟
جی ہاں موبائل فون سے آپ کی جان کو خطرہ لاحق ہوسکتا ہے۔ بارش کے موسم میں بجلی گرجتی ہے تو اس کے مختلف مقامات پر گرنے کی خبریں بھی موصول ہوتی ہیں۔
بارش کے موسم میں گھر سے باہر موبائل فون کے استعمال سے گریز کرنا چاہیئے بلکہ جتنا ہوسکے ہمیں موبائل فون کو خود سے دور ہی رکھنا چاہیئے۔ برسات کے موسم میں اسمارٹ فون کا کیسے استعمال کریں؟
بارش کے دنوں میں بجلی چمکنے اور گرجنے کے دوران اسمارٹ فون پر گفتگو کرنے کا عمل آپ کے فون کو نقصان پہنچانے کے ساتھ یہ آپ کی جان کو خطرے میں بھی ڈال سکتا ہے۔
سائنسی ماہرین کے مطابق اسمارٹ فون کو چلاتے وقت اس میں سےالٹرا وائڈ شعاعیں تیزی سے باہر نکلتی ہیں جو کہ موبائل فون سے نکل کر آسمانی بجلی کو اپنی جانب کھینچتی ہیں۔
ماہرین کا کہنا ہے کہ جب بھی آسمانی بجلی گرے تو موبائل فون کو آف کردیں ساتھ ہی گھر میں موجود الیکٹرونکس آلات جیسے ٹی وی، فریج کا استعمال بھی ترک کردینا ضروری ہے۔
