پشاور میں نامعلوم افراد کی فائرنگ سے پولیس اہلکار جاں بحق ہوگیا۔
پولیس کے مطابق فائرنگ کا افسوسناک واقعہ پشاور کے تھانہ گلبہار کی حدود میں پیش آیا جہاں فائرنگ سے پولیس اہلکار جاں بحق ہوگیا، اے ایس آئی آصف اللہ کو نامعلوم افراد نے گھر کے قریب قتل کیا۔
پولیس کا کہنا ہے کہ پولیس اہلکار سٹی پیٹرولنگ فورس میں تعینات تھے، مقتول ڈیوٹی ختم کرکے گھر جارہے تھے کہ نامعلوم افراد نے قتل کردیا۔
پولیس کے مطابق فائرنگ کرنے والے افراد کی شناخت کا عمل جاری ہے، واقعے کے بعد پولیس جائے وقوعہ پر پہنچ گئی۔
