ہری پور سے تعلق رکھنے والے پولیس اہلکار نے ہنگو پولیس ٹریننگ سنٹر میں خودکشی کرلی۔ پولیس ذرائع کے مطابق خودکشی کی وجوہ تاحال معلوم نہیں ہوسکیں۔
پولیس ذرائع کے مطابق پولیس ٹریننگ کالج میں خودکشی کرنے والا باسط علی لوئر کورس میں تربیت حاصل کر رہا تھا۔ اُس نے کسی بات پر دل برداشت ہوکر خود کو گولی مارلی۔
باسط علی نے ہری پورکے متعدد پولیس اسٹیشنز میں خدمات انجام دی تھیں۔ پوسٹ مارٹم کے بعد ہنگو میں باسط علی کی نمازِ جنازہ پڑھائی گئی۔ بعد میں میت کو تدفین کے لیے ہری پور بھیج دیا گیا۔
