لاہور: پاکستان سپر لیگ سیزن نائن کا شیڈول تیار کر لیا گیا، شیڈول کے مطابق پی ایس ایل نائن کا آغاز 17 فروری سے ہوگا.
17 مارچ تک جاری رہنے والے ایونٹ میں مجموعی طور پر 34 میچز کھیلے جائیں گے، پی ایس ایل شیڈول کے مطابق پہلے مرحلے میں میچ لاہور اور ملتان میں کھیلے جائیں گے،جبکہ دوسرے مرحلے کے میچز کراچی اور راولپنڈی میں ہوں گے۔
افتتاحی میچ قذافی اسٹیڈیم میں لاہور قلندرز اور اسلام آبادیونائیٹڈ کے درمیان ہو گا جبکہ ایونٹ کا فائنل کراچی میں ہوگا۔ایونٹ میں 7 ڈبل ہیڈر کھیلے جائیں گے جبکہ لیگ کے 6 میچز اور ایک کوالیفائر دن کے وقت ہوگا۔
پی ایس ایل 9 میں راولپنڈی میں تین، لاہور میں 2 میچز دن کے وقت کھیلے جائیں گے، کراچی میں 11 میچز کھیلے جائیں گے، لاہور اور راولپنڈی میں 9،9 اور ملتان میں 5 میچز ہوں گے۔
پاکستان سپر لیگ کے لیے ٹیموں کی آمد 12 فروری سے شروع ہو گی اور 4 دن آفیشل پریکٹس سیشن کے لیے ہوں گے۔
