آسٹریلوی اوپنر ڈیوڈ وارنر بگ بیش لیگ 2024 کے میچ میں شرکت کے لیے ہیلی کاپٹر کے ذریعے سڈنی کرکٹ اسٹڈیم پہنچ گئے۔
ڈیوڈ وارنر ہنٹر ویلی میں اپنے بھائی کی شادی کی تقریب میں شرکت کے فوری بعد ہیلی کاپٹر میں روانہ ہوئے اور مقامی وقت کے مطابق شام 5 بجے گراؤنڈ پہنچے۔
ان کے ہیلی کاپٹر نے سڈنی کرکٹ گراؤنڈ میں عین اس مقام پر لینڈ کیا جہاں ان کے الوداعی ٹیسٹ کے دوران ’تھینکس ڈیو‘ کا لوگو پینٹ کیا گیا تھا۔
بگ بیش میچ میں شرکت کے لیے ہیلی کاپٹر کے ذریعے ان کی آمد کی انٹری کی ویڈیو تیزی سے سوشل میڈیا پلیٹ فارمز پر وائرل ہو رہی ہے۔
Things you thought you’d never see on a cricket ground!
David Warner arrives at the BBL in a helicopter ? pic.twitter.com/8529s5oBJh
— ESPNcricinfo (@ESPNcricinfo) January 12, 2024
واضح رہے کہ گزشتہ دنوں یہ خبریں سامنے آئی تھیں کہ ویوڈ وارنر نے بگ بیش میچ میں شرکت کے لیے ہیلی کاپٹر بک کرالیا تاکہ اپنے بھائی کی شادی سے سیدھا اسٹیڈیم پہنچ سکیں۔
میڈیا رپورٹس کے مطابق اسٹیون اسمتھ سڈنی سکسرز کی جانب سے اس سیزن میں واحد بگ بیش میچ کھیلیں گے جب کہ حریف ٹیم سڈنی تھنڈر میں ویوڈ وارنر شامل ہیں۔
ڈیوڈ وارنر نے کہا تھا کہ میں نے ہیلی کاپٹر بک کرا لیا ہے، میری پوری کوشش ہوگی کہ شادی کی تقریب سے فارغ ہوتے ہی سڈنی پہنچ کر بگ بیش میچ میں شرکت کروں۔
