(ویب ڈیسک ) اینڈرائیڈ صارفین کے لیے واٹس ایپ میں ایک اور کارآمد فیچر کا اضافہ کیا گیا ہے، جس کے ذریعے صارفین انفرادی چیٹس، گروپ چیٹس اور چیلنز میں موشن فوٹوز کو شیئر کر سکیں گے۔
رپورٹ کے مطابق واٹس ایپ کی جانب سے ایک نئے فیچر کی آزمائش کی جارہی ہے، جس کے ذریعے صارفین انفرادی چیٹس، گروپ چیٹس اور چیلنز میں موشن فوٹوز کو شیئر کر سکیں گے۔ (موشن فوٹوز سے مراد شارٹ آڈیو اور ویڈیو کلپ ہے)۔
نئے فیچر کیلئے ایک نیا بٹن واٹس ایپ کا حصہ بنایا جا رہا ہے جس کو کلک کر کے صارفین موشن پکچر یا عام فوٹو اپنے دوستوں کے ساتھ شیئر کرسکیں گے، جن صارفین کے فونز موشن فوٹوز کو سپورٹ نہیں کریں گے ان میں یہ شیئر فائل ان سپورٹڈ فائل ٹائپ کی شکل میں نظر آئے گی۔
رپورٹ میں کہا گیا ہے کہ یہ فیچر ابھی اینڈرائیڈ ڈیوائسز کے لیے واٹس ایپ کے بیٹا ورژن میں متعارف کرایا گیا ہے اور محدود صارفین کو دستیاب ہے،لیکن جلد ہی یہ فیچر تمام صارفین کو دستیاب ہوجائے گا۔
