راولپنڈی: بلوچستان کے علاقے قلات میں سیکیورٹی فورسز کے آپریشن کے دوران 6 دہشتگرد ہلاک ہو گئے۔
پاک فوج کے شعبہ تعلقات عامہ (آئی ایس پی آر) کے مطابق، یہ دہشتگرد قانون نافذ کرنے والے اداروں اور شہریوں پر حملوں میں ملوث تھے۔ فورسز نے ان کے خلاف مؤثر کارروائی کرتے ہوئے انہیں ہلاک کر دیا۔
سیکیورٹی فورسز نے علاقے میں ممکنہ دہشتگردوں کے خاتمے کے لیے کلیئرنس آپریشن جاری رکھا ہوا ہے تاکہ علاقے کو محفوظ بنایا جا سکے۔
آئی ایس پی آر کے بیان کے مطابق، سیکیورٹی فورسز امن و استحکام کو نقصان پہنچانے کی کوششوں کو ناکام بنانے کے لیے مکمل طور پر پرعزم ہیں۔
