فیڈرل بورڈ آف ریونیو (ایف بی آر) نے لاہور میں ٹیکس چوری میں ملوث بڑے کاروباری مراکز پر کریک ڈاؤن کیا۔
ایف بی آر نے لاہور میں ڈیوٹی اور ٹیکسز کی چوری میں ملوث سگریٹس کے بڑے کاروباری مراکز پر کریک ڈاؤن کیا۔
ایف بی آر کے مطابق گلبرگ حسین چوک، علامہ اقبال ٹاؤن مون مارکیٹ، سمن آباد، ڈی ایچ اے فیز ون، فور اور فیز فائیو میں معروف سگریٹ شاپس سے غیرقانونی برانڈ کے سگریٹس کی بھاری کھیپ برآمد کی گئی۔
ایف بی آر کی ٹیموں نے شیخوپورہ، ننکانہ اور قصور میں بھی نان ڈیوٹی سگریٹس کا کاروبار کرنے والوں کےخلاف کریک ڈاؤن کیا۔
لاہور ڈویژن سے قبضے میں لیے گئے سگریٹس پر ڈیوٹی ٹیکسز کی مد میں1 کروڑ 62 لاکھ روپے واجب الادا تھے۔
