واشنگٹن (صباح نیوز)امریکہ کے ولسن سینٹر میں جنوبی ایشیا ءسے متعلق ماہر مائیکل کوگلمین نے پاکستان کی تازہ ترین سیاسی صورت حال پر تبصرہ کرتے ہوئے کہا ہے کہ پی ٹی آئی کے خلاف کھلی پری پول دھاندلی کی جا رہی ہے۔کوگلمین نے ایک لیگی حامی کے ساتھ دلچسپ مکالمے میں اتفاق کیا کہ 2018میں بھی پری پول دھاندلی ہوئی تاہم انہوں نے کہا کہ مسلم لیگ (ن )کے ساتھ وہ نہیں ہوا جو پی ٹی آئی کے ساتھ ہو رہا ہے۔مائیکل کوگلمین نے سپریم کورٹ کی جانب سے فیصلہ آنے کے فوراً بعد ایک ٹویٹ میں کہاکہ پی ٹی آئی کو انتخابی نشان کے استعمال کی اجازت نہیں مل رہی۔ یہ ڈھکی چھپی نہیں، کھلی پری پول دھاندلی ہے۔
