مظفرآباد: آزاد کشمیر کی قانون ساز اسمبلی میں وزیراعظم چودھری انوارالحق کے خلاف تحریک عدم اعتماد آج پیش کی گئی۔ تحریک چیئرمین اسمبلی چودھری قاسم مجید نے جمع کروائی اور متبادل قائد ایوان کے طور پر فیصل ممتاز راٹھور ایم ایل اے کا نام بھی پیش کیا گیا۔
تحریک کی کامیابی کے لیے ایوان میں کم از کم 27 ووٹ درکار ہیں۔ پیپلز پارٹی نے دعویٰ کیا ہے کہ انہیں 40 سے زائد ارکان کی حمایت حاصل ہے۔ مسلم لیگ ن بھی تحریک کے حق میں ووٹ دے گی، تاہم وہ حکومت میں شامل نہیں ہوگی اور آزاد کشمیر اسمبلی میں مضبوط اپوزیشن کا کردار ادا کرے گی۔
