لاہور : پاکستان کی ڈومیسٹک کرکٹ کا سب سے بڑا ٹورنامنٹ، قائداعظم ٹرافی کا فائنل آج سے شروع ہو رہا ہے۔ فائنل میں کراچی بلیوز اور سیالکوٹ ریجنز کی ٹیمیں مدمقابل ہوں گی، اور یہ میچ لاہور کے تاریخی قذافی اسٹیڈیم میں کھیلا جائے گا۔
فائنل کے آغاز سے پہلے ٹرافی کی رونمائی کی گئی، جس میں دونوں ٹیموں کے کپتانوں نے ٹرافی کے ساتھ تصاویر بنوائیں۔
یاد رہے کہ اس ٹورنامنٹ کی فاتح ٹیم کو 75 لاکھ روپے کی انعامی رقم دی جائے گی، جب کہ رنر اپ ٹیم کو 40 لاکھ روپے ملیں گے۔
