پشاور/لاہور : حالیہ پاکستان بار کونسل انتخابات میں عاصمہ جہانگیر گروپ نے شاندار کامیابی حاصل کی، اور پنجاب میں سب سے زیادہ 11 نشستیں جیت کر اہمیت حاصل کی۔
پنجاب میں ہونے والے 11 انتخابی حلقوں میں سے عاصمہ جہانگیر گروپ نے 8 نشستوں پر کامیابی حاصل کی، جب کہ باقی دو نشستوں پر حامد خان گروپ کے امیدوار فاتح رہے۔ ایک نشست کا نتیجہ ابھی آنا باقی ہے۔
حامد خان گروپ کے سلمان اکرم راجہ اور شفقت چوہان پاکستان بار کونسل کے رکن منتخب ہوئے ہیں۔
عاصمہ جہانگیر گروپ کے امیدواروں میں سے اعظم نذیر تارڑ، احسن بھون، پیر مسعود چشتی، عامر سعید ران، طاہر ناصر اللہ وارث، حفیظ الرحمان چوہدری، ثاقب اکرم گوندل اور سید قلب حسن پاکستان بار کونسل کے رکن منتخب ہو گئے ہیں۔
پاکستان بار کونسل کے انتخابات کے حتمی نتائج 22 دسمبر کو جاری کیے جائیں گے۔
ادھر، خیبرپختونخوا میں بھی پاکستان بار کونسل کے 4 ممبران کا انتخاب ہوا۔ ان میں جمعیت علمائے اسلام کے نوید اختر ایڈووکیٹ، ملگری وکیلان کے رحمان اللہ شاہ ایڈووکیٹ، انصاف لائرز فورم کے ستار خان ایڈووکیٹ اور جماعت اسلامی کے وکلا ونگ آئی ایل ایم کے قاضی ارشد بھی پاکستان بار کونسل کے رکن منتخب ہوئے ہیں۔
