اسلام آباد: پاکستان کے صدر آصف علی زرداری عراق کے چار روزہ سرکاری دورے پر بغداد پہنچ گئے ہیں۔ بغداد پہنچنے پر عراقی حکام نے صدر پاکستان کا شاندار استقبال کیا۔
عراق کے وزیر ثقافت و سیاحت، پروفیسر ڈاکٹر احمد فکاک احمد البدرانی، عراق میں پاکستان کے سفیر محمد ذیشان احمد اور دیگر سینئر حکام نے صدر زرداری کا پرتپاک خیرمقدم کیا۔
اس دورے کے دوران صدر آصف علی زرداری کی اعلیٰ عراقی قیادت سے ملاقاتوں کی توقع ہے، جس میں مختلف شعبوں میں دونوں ممالک کے درمیان تعاون کو مزید فروغ دینے پر بات چیت کی جائے گی۔
یہ دورہ پاکستان اور عراق کے برادرانہ تعلقات کو مزید مستحکم کرنے میں اہم کردار ادا کرے گا۔
