(ویب ڈیسک ) پاکستان نے یمن کی علاقائی سالمیت ، پائیدار امن اور استحکام کے قیام کی کوششوں کی حمایت کا اعادہ کیا۔
ترجمان دفترخارجہ کا کہنا ہے کہ پاکستان کسی بھی یمنی فریق کے یکطرفہ اقدامات کی سختی سے مخالفت کرتا ہے، پاکستان نے یمن میں امن و استحکام برقرار رکھنے کی علاقائی کوششوں کا خیر مقدم کیا۔
پاکستان نے سعودی عرب سے اظہاریکجہتی اور سلامتی کے عزم کا اعادہ کیا۔
ترجمان دفتر خارجہ کا کہنا ہے کہ پاکستان مذاکرات اور سفارت کاری کے ذریعے مسئلے کے حل کی حمایت کرتاہے،امید ہے یمن اور علاقائی طاقتیں علاقائی استحکام کے تحفظ کے لیے مسئلے کا جامع اور پائیدار حل نکالیں گی۔
