(ویب ڈیسک ) نائب وزیر اعظم اسحاق ڈار نے چئیرمین پیپلزپارٹی بلاول بھٹو سے ملاقات کی اور تحفظات دور کرنے کی یقین دہانی کرائی ہے۔
پیپلز پارٹی کے بجٹ سے متعلق تحفظات پر پیپلز پارٹی اور حکومت میں رابطے ہوئے ہیں ۔ذرائع کے مطابق نائب وزیراعظم اسحاق ڈار بلاول بھٹو سے ملنے زرداری ہاؤس پہنچ گئے ،اس ملاقات میں نوید قمر ، شیری رحمن اور جام خان شورو بھی موجود ہیں ۔
ذرائع کا کہنا ہے کہ ملاقات کے دوران بجٹ میں سندھ کے ترقیاتی منصوبوں پر غور کیا گیا۔
ذرائع کے مطابق بلاول بھٹو نے اپنے تحفظات نائب وزیراعظم کے سامنے رکھ دیئے۔سندھ سے وزیر جام خان شورو نے نائب وزیراعظم کو بریفنگ دی۔
ذرائع نے بتایا ہے کہ نائب وزیراعظم نے بلاول بھٹو کو تحفظات دور کرنے کی یقین دہانی کرائی ہے۔
ذرائع کے مطابق جام شورو نے آج بلاول بھٹو کو پی ایس ڈی پی پر بریفنگ دی تھی۔
